ეს საინტერესოა
მედიცინის ისტორია
ჯანმრთელობა და ცხოვრების წესი
ვიტამინები
სასარგებლო რჩევა
გასტროენტეროლოგი გვირჩევს
ტოქსიკოლოგი გვირჩევს
ტრავმატოლოგი გვირჩევს
თერაპევტი გვირჩევს
რევმატოლოგი გვირჩევს
გინეკოლოგი გვირჩევს
ალერგოლოგი გვირჩევს
პროქტოლოგი გვირჩევს
ნეონატოლოგი გვირჩევს
ნევროლოგი გვირჩევს
ჰემატოლოგი გვირჩევს
ოტო–რინო–ლარინგოლოგი გვირჩევს
ეპიდემიოლოგი გვირჩევს
ოფთალმოლოგი გვირჩევს
მეან–გინეკოლოგი გვირჩევს
ენდოკრინოლოგი გვირჩევს
კარდიოლოგი გვირჩევს
კვება
ჯანსაღი კვება
D ვიტამინის დეფიციტი ჯანმრთელობის რიგ პრობლემებს იწვევს.
02 მარტი 2022
D ვიტამინის დეფიციტი ჯანმრთელობის რიგ პრობლემებს იწვევს.
მას მზის სხივების ვიტამინსაც უწოდებენ. ძალიან სასარგებლოა ძვლისა და კბილების ზრდა-განვითარებისთვის, იმუნიტეტისთვის, დადებითად აისახება ჩვენს გუნება-განწყობილებაზე, გვეხმარება კალციუმის ათვისებაში.
როგორც წესი ამ ვიტამინის დეფიციტით იტანჯებიან ოფისში დასაქმებულები, რომლებიც დღის დიდ მონაკვეთს კომპიუტერის წინ ატარებენ.
D ვიტამინის შესახებ გვესაუბრება ქირურგიის ეროვნული ცენტრის ენდოკრინოლოგი სოფიო ფუტურიძე.
D ვიტამინის დეფიციტისთვის დამახასიათებელია შემდეგი სიმპტომები:
დაღლილობა;
ძვლისა და კუნთის მწვავე ტკივილი;
ენერგიის დაქვეითება იმ დონემდე, რომ პიროვნებას უჭირს ყოველდღიური საქმიანობის შესრულება;
დაქვეითებული იმუნური სისტემა;
განწყობის ცვლილება;
თმის ცვენა.
D ვიტამინი დიდ გავლენას ახდენს ძვალ-სახსროვან სისტემაზე და მისი დეფიციტი რევმატიული დაავადებების გამწვავების მიზეზია. რაქიტი, ოსტეომალაცია, ოსტეოპოროზი, დიაბეტი, გულ-სისხლძარღვთა დაავადება, დეპრესია, აუტოიმუნური დაავადებები – ეს მცირე ჩამონათვალია იმ დაავადებებისა, რომელთა განვითარების რისკიც იზრდება, როცა ორგანიზმში D ვიტამინის რაოდენობა საკმარისი არაა.
D ვიტამინის მიღება ტაბლეტის სახით თვითნებურად, ექიმის რეკომენდაციის გარეშე დაუშვებელია! თუ ჩივილები თქვენთვის ნაცნობია, სასურველია, მიმართოთ ქირურგიის ეროვნულ ცენტრს, კლინიკის ლაბორატორიაში ჩაიტაროთ სპეციალური ანალიზი, რომელიც სისხლში D ვიტამინის განსაზღვრას გულისხმობს. სწორედ ანალიზის პასუხის შესაბამისად, ენდოკრინოლოგი ამ ვიტამინის ადეკვატურ დოზას დაგინიშნავთ.
D ვიტამინის დეფიციტის სკრინინგი რეკომენდებულია ჩატარდეს მაღალი რისკის ჯგუფში მყოფ პირებში, მაგალითად: ოსტეოპოროზის მქონე პაციენტები, მალაბსორბციის სინდრომის მქონე ადამიანები, ჭარბწონიანები, პირები D ვიტამინის მეტაბოლიზმზე მქონე დარღვევებით, მაგალითად, თირკმლის ქრონიკული დაავადებით.
გაითვალისწინეთ, რომ D ვიტამინის მიღების პირდაპირი და ბუნებრივი წყარო მზის სხივებია. სასურველია, მზიან ამინდში დიდი დრო გაატაროთ სუფთა ჰაერზე, რადგან სწორედ ამ გზით შეითვისებს ორგანიზმი D ვიტამინს.
ასევე ამ ვიტამინს შეიცავს: ორაგული, კვერცხის გული, რძე, მარცვლეული, იოგურტი, ფორთოხალი. რასაკვირველია, სასარგებლოა ეს რაციონიც, მაგრამ D ვიტამინი კანში წარმოიქმნება და სისხლში ორჯერ მეტი ხანგრძლივობით რჩება მაშინ, როცა ადამიანი მზის სხივებით ტკბება.
ქირურგიის ეროვნული ცენტრის მისამართი: ქალაქი თბილისი, დიღომი, ჩაჩავას N7.
ქირურგიის ეროვნულ ცენტრს შეგიძლიათ დაუკავშირდეთ ქოლ–ცენტრის დახმარებით ნომერზე 577 119 119 ან 2 02 25 25.
თქვენთვის პრობლემურ, ნებისმიერ საკითხზე, კონსულტაციის მიზნით შეგიძლიათ დაუკავშირდეთ ექიმ-ენდოკრინოლოგს სოფიო ფუტურიძეს ნომერზე 593 25 11 55.
გისურვებთ ჯანმრთელობას!
ენდოკრინოლოგი გვირჩევს
ვიტამინები
ჯანმრთელობა და ცხოვრების წესი
ჯანსაღი კვება
სასარგებლო რჩევა
კვება
წყარო: kirurgia.ge